Watch more in iWantv or TFC.tv

MAYNILA — Kasabay ng patuloy na pagkalat ng coronavirus disease 2019 (COVID-19) sa bansa, mas lalong naging mahalaga ang pagpapalakas ng resistensiya upang hindi mahawa ng naturang sakit.

Nitong Huwebes sa "Umagang Kay Ganda," ibinahagi ni Harris Acero, isang lifestyle medicine coach, ang ilang masustansiyang juice at tsaa na maaaring makapagpalakas ng katawan.

Immuno-booster shake
• 1 tasang malunggay leaves
• 1 tasang talbos ng kamote
• 1 tasang dahon ng sili
• 1 tasang saluyot leaves
• 3 pirasong saba
• 2 tasang pineapple
• 1 litrong cold water

Pagsama-samahin ang mga sangkap sa blender. Inumin bago kumain.

"Ito ay para mas ma-absorb mo ang nutrients nito," paliwanag ni Acero.

Para mas magustuhan ng mga bata, maaari itong lagyan ng pineapple chunks, ayon kay Acero.

Maaari ring haluan ng malunggay at orange o banana ang shake para mas maging masustansiya ito.

"Mataas po kasi ito sa Vitamin C at iron. Kailangan po ng immune system natin iyan," ani Acero.

Garlic juice
• 10 butil bf native garlic (mashed)
• 10 kalamansi
• 1 kutsarang honey
• Tubig

Tanggalin ang butil ng kalamansi at paghaluin lahat ng sangkap.

Mga tsaa

Para gumawa ng guava tea - na masagana sa Vitamin C - maaaring gumamit ng pinakuluang young bayabas leaves. Dagdagan din ito ng honey para magkalasa.

"Mayroon siyang anti-microbial property. Nilalabanan niya iyong mga bacteria sa katawan natin," paliwanag niya.

Para sa salabat naman, gumamit ng durog na turmeric at ginger. Pakuluan ito sa tubig at dagdagan ng 2 kutsarang honey.

Para sa serpentina tea, magbabad ng 5 sariwang serpentina leaves sa 1 tasang mainit na tubig.