Allyzza Kay Trinidad

Mapangahas na pag-ibig nina Joshua at Ivana, tampok sa Morocco sa "Love is Never Gone"

Article (news)

ABS-CBN Studios

<p>Susugal na sina Joshua Garcia at Ivana Alawi sa mapangahas na pag-ibig para sa kanilang unang tambalan sa inaabangang romance-suspense serye ng ABS-CBN na “<a href="https://www.youtube.com/watch?v=0M6uUXbuBoI" rel="noopener noreferrer" target="_blank"><u><strong>Love is Never Gone</strong></u></a>” ang unang Filipino series na kinunan sa Morocco na mapapanood sa Prime Video simula Mayo 8 (Biyernes). </p><div><br/></div><div><img src="https://od2-image-api.abs-cbn.com/prod/editorImage/17774818752381777481872946.png" style="width:500px" class="fr-fic fr-dib"/></div><div> </div><p>Mapupusok na halikan at makapigil-hiningang mga eksena ang handog nina Joshua at Ivana sa serye tampok ang magagandang tanawin ng Morocco.  </p><p>Gaganap si Joshua bilang si Teo, isang mekaniko at breadwinner na lumipad sa Morocco para maging OFW. Magugulo ang buhay ni Teo nang komprontahin niya si Yana (Ivana), isang miyembro ng ilegal na grupo, matapos nitong nakawin ang kanyang wallet na ginawa lamang nito upang matustusan ang pagpapagamot sa kanyang inang may sakit.  </p><div><br/></div><div><iframe width="1018" height="572" src="https://www.youtube.com/embed/c80BZsDYGhM" title="Media Conference I #LoveIsNeverGoneOnPrime" frameBorder="0" allowfullscreen=""></iframe></div><div><br/></div><p>Mauuwi sa isang delikadong pag-iibigan ang kanilang pagtatagpo sa pag-aakala ni Teo na pinagtaksilan siya ni Yana kaya siya nakulong. Makalipas ang ilang taon at sa pag-uwi ni Teo sa Maynila, muli niyang makikita si Yana pero ibang katauhan na ang gamit nito. </p><p>Sa pagpasok nila sa isang mundong puno ng krimen at paghihiganti, matutuklasan ni Teo ang isang mabigat na sakripisyo na nilihim ni Yana na muling susubok sa kanilang pag-iibigan sa kabila ng matinding pagtataksil. </p><div><br/></div><div><img src="https://od2-image-api.abs-cbn.com/prod/editorImage/17774817874581777481784543.png" style="width:500px" class="fr-fic fr-dib"/></div><div><br/></div><p>Tampok sa “Love is Never Gone” sina Jameson Blake, Jane Oineza, Michael De Mesa, Epy Quizon, at Dina Bonnevie, kasama sina Fyang Smith, JM Ibarra, JC Alcantara, Rans Rifol, Kiko Matos, Argel Saycon, Heart Ramos, Alex Medina, Benj Manalo, Carlo San Juan, at may special participation nina Ara Mina at Irma Adlawan. </p><p> Mula ito sa direksyon nina Manny Palo at Jojo Saguin, at sa ilalim ng produksyon ng Dreamscape Entertainment na nasa likod ng ilang mga hit series ng ABS-CBN tulad ng “Linlang<strong><em></em><u></u></strong>,” “<a href="https://www.abs-cbn.com/entertainment/studios/tv/savinggrace" rel="noopener noreferrer" target="_blank"><strong><u><em>Saving Grace</em></u></strong></a>,” “<strong><em><u></u></em></strong><em><u></u></em><em><u></u></em>Dirty Linen<em><u></u></em><em><u></u></em><strong><em><u></u></em></strong>,” at “<a href="https://www.abs-cbn.com/entertainment/studios/tv/the-alibi" rel="noopener noreferrer" target="_blank"><strong><u><em>The Alibi</em></u></strong></a>.” </p><p>Huwag palampasin ang matitinding tagpo sa ngalan ng pag-ibig sa “Love is Never Gone,” na eksklusibong mapapanood sa Prime Video simula Mayo 8.</p>

<p>“Susugal na sina Joshua Garcia at Ivana Alawi sa mapangahas na pag-ibig para sa kanilang unang tambalan sa Love is Never Gone.”</p>

“Susugal na sina Joshua Garcia at Ivana Alawi sa mapangahas na pag-ibig para sa kanilang unang tambalan sa Love is Never Gone.”