Sabi ng iba, malas daw ang Friday the 13th kaya doble-ingat dapat. Bakit hindi na lang itaboy ang bad vibes? Ang ‘yong ngiti ay malakas na panlaban sa negativity. Dahil ‘pag awra at pananaw mo sa buhay ay positibo, good luck na ang lalapit sa’yo. 

Parang players ng KIDSONA, think positive lang kahit litong-lito na. Kagulo ang grupo sa title ng isang “This Band” hit. ‘Yung iba, dinaan na lang sa mga patawang hirit. Pero sa dulo, swerte ay dumapo sa isang duo. Sina Karylle at Sheena Belarmino, sa jackpot round ay naglaro.

Natalo nila ang tandems nina Ryan Bang-AC Soriano, Ion Perez-Vhong Navarro, Cianne Dominguez-Anne Tenorio, Jugs Jugueta-Eris Aragoza, at Teddy Corpuz-Jackie Gonzaga. 

Huling-huli talaga ng senior matchmate and hakbangers ang kiliti ng Madlang People. Agad na naghatid ng good vibes si matchmate Liz, 68, and hype bestie Baby, na muntik gawing baranggay ang studio dahil sa reklamo tungkol sa hindi makuha-kuhang pensyon. At pang-Halloween special naman ang next revelation–si Baby, may third eye? At may nakikitang elemento sa studio? Scary, ‘no? 

Idaan na lang sa cha-cha ang kaba at excitement. Ready na silang makilala ang mga hakbangers. Sabi nina Liz at Baby, basta gwapo ay swak sa kanilang mga puso.

Uy, gwapo si hakbanger Nono, 68, na masaya sa piling ng mga apo–at ng mga manok na panabong. Dahil sa smile ni Tatay Nono, ang kuwentuhan ay nauwi sa pustiso. Biro ni Vice Ganda, maraming kuwentong pustiso sa Vice Comedy Club, na kung hindi bagong tambayan ng mga seniors ay madalas namang gawing ‘pagpagan’ ng mga galing sa lamay. 

May mga baon din na patawa sina hakbangers Ohgee, 72, at Matias, 76. Samantala, si bestie Baby, mukhang puro negative comments naman ang baon tungkol kay Liz. Read: mareklamo at masita sa mga ‘di gusto. Madalas nga raw siyang talakan ng kan’yang kaibigan. Pero agad kumambyo at sinabing madaling kausap si Liz, mahilig mamasyal, at malakas tumawa dahil laging masaya. Pero hindi mahilig magluto dala na rin ng edad. 

Consistent sa pag-akyat sina Nono at Ohgee. Pero si Tatay Matias, agad umatras. Baka raw hindi niya masakyan ang trip ni Liz dahil hindi siya mahilig mamasyal, at hindi rin naman niya ito maipagluluto. Hmm. Tatay, ‘yan ba talaga ang dahilan? O baka naan nalito sa complicated na tanungan ni Vhong Navarro? Ahh.. kaya naman pala nag-step down, si hype bestie ang gustong masilayan! 

Nasilayan din ni Liz ang bagong simula at pag-asa with Oghee, ang hakbanger na kan’yang napili.  

Hindi lang swerte kundi talento ang kailangan upang umangat sa “Tawag Ng Tanghalan Year 9.” 

Nagpakitang-gilas sa TNT stage si Shania Manabat of Cagayan de Oro City na sinubukang pasayawin ang Madlang People sa pagkanta ng “Lady Marmalade.” She impressed hurado Nonoy Zuniga with her fine vocals, pero sabi ng hurado, sana mas gumalaw-galaw pa si Shania sa entablado para madala ang audience. 

“Didn’t We Almost Have It All,” hugot naman ni Precious Paraguil ng Zamboanga Sibugay, na pinuri ni hurado Erik Santos for her powerful voice. 

Komento naman ni Punong Hurado Louie Ocampo, parehong magaling ang dalawang binibini “but one told the story much better.” At ito ay si Precious, na wagi sa score na 93.7%. Babalik siya bukas upang labanan ang defending champion na si Jeramae Edquila. 

Watch your favorite TV programs on Kapamilya Channel on SKY, Cablelink, G Sat, and most cable operators under PCTA nationwide.

On-demand viewing of programs' full episodes is available on iWantTFC. Just download the app on Google Play or App Store, or visit iWantTFC.com.

Viewers can also continue to follow the show on Kapamilya Online Live on ABS-CBN Entertainment's YouTube channel and Facebook page.

The shows are also seen on A2Z Channel 11, available on analog broadcast in Metro Manila and parts of Cavite, Laguna, Quezon, Rizal, Bataan, Batangas, Bulacan, and Pampanga. It is also available on cable and satellite TV providers nationwide.

Viewers outside of the Philippines can also catch it on The Filipino Channel on cable and IPTV.