Katulad ng matamis na oo matapos ang matagal na panunuyo, walang kasintamis ang unang panalo matapos ang mahabang pagkatalo. Uy, si Ryan Bang, ngiti ay todo-todo dahil team niya ang winner for today’s ‘Ansabe.’ Pagbigkas man ni Team Leader Ryan ay nagkabulol-bulol, pero straight three points ang ibinigay sa kan’ya ni buli-lip reader Argus. Ligtas sa lusutan sina Argus, Ryan, Ion Perez, Jugs Jugueta, Lassy at Kulot.

Pero hindi naman sumuko ang Team B nina Karylle, Jackie Gonzaga, Teddy Corpuz, Eris Aragoza, Jaze, at buli-lip reader Kelsey, na nakakuha ng isang tamang sagot. Inalat naman ang performance nina Vhong Navarro, Cianne Dominguez, MC, Anthony Castillo, Ayesha, at buli-lip reader Imogen.

Sa pagpapatuloy ng kwentong ‘Wag Kang PaBeBe: The Big Co-Love’ sa ‘Sine Mo ‘To,’ emo mode sina Melvinia (MC) at Jacque Gyl (Jackie) dahil ang mga bebes nilang sina Herminio (Ogie Alcasid) at Lyndon (Darren Espanto) ay missing!

Naganap ang unang harapang nominasyon, at ang nakakuha ng piinamakaraming points ay si Jose Marie (Vice Ganda). Wait lang, ‘pag si Lassy ang napatalsik ni Koya (Jhong), ang tawag ba do’n ay ‘pores eviction’?

Para malaman ang kapalaran ni housemate Jose Marie, sa halip na botohan, ang eviction ay dadaain sa one-on-one challenge. Kailangang talunin ni Jose Marie ang bagong housemate na si Johaira, kundi ay tuluyan siyang ma-e-evict at si Johaira ang papalit. Ang task nina Jose Marie at Johaira, salitan nilang lalaslasin ang lobong may tubig sa loob, hanggang sa tuluyang mapunit ang last layer ng lobo at sumabog ang tubig sa pagmumukha ng talo.

Para mas intense, si Jose Marie, humingi ng resbak at naging ka-duo niya ang tagabasa (Vhong). Nagkabasaan nga!

Habang papalapit ang susunod na tanggalan, mas lalong nagiging intense ang salpukan ng mga boses na palaban sa ‘Tawag Ng Tanghalan: All-Star Grand Resbak.’

Ang bagong salta sa Pangkat Alon na si Arvery Lagoring ang unang nabunot upang magtanghal. Binalot ng emosyon ang buog studio sa rendisyon niya ng “Gaano Kadalas Ang Minsan.” Para sa isang 17-year-old NBSB, saan nga ba hinuhugot ni Arvery ang pait at sakit ng pag-ibig? Maging ang foreigner na bisita sa studio, naramdaman ang puso ng kanta. Si hurado Erik Santos, dalawang beses napa-standing ovation.

Puso rin ang naging panlaban ni Charizze Arnigo ng Pangkat Agimat sa pag-awit ng Moira Dela Torre hit na “Dito Ka Lang.” Ang pagkanta ni Charizze, isang cathartic

experience. Boses niya ay tinawag ni hurado Pops Fernandez na angelic. ‘Pag pinakinggan, para kang nasa ulap at lumulutang.

Mula sa mga saksak-pusong pagtatanghal, astig naman ang atake ng beautiful rakista ng Pangkat Alab na si Nina Holmes. She brought the house down with her version of “Separate Way (Worlds Apart).” Sabi ni Punong Hurado Louie Ocampo, full of adrenaline ang performance ni Nina, gigil na gigil, to the point na may napuna ang mga hurado na kaunting pagkakamali.

Si Arvery ang hinirang panalo. Dikit ang naging laban nina Arvery at Charizze. Ang una ay nakakuha ng score na 97.3% at 97% naman ang ikalawa. Samantala, si Nina ay nakakuha ng grado na 91.4%.

Watch your favorite TV programs on Kapamilya Channel on SKY, Cablelink, G Sat, and most cable operators under PCTA nationwide.

On-demand viewing of programs' full episodes is available on iWantTFC. Just download the app on Google Play or App Store, or visit iWantTFC.com.

Viewers can also continue to follow the show on Kapamilya Online Live on ABS-CBN Entertainment's YouTube channel and Facebook page.

The shows are also seen on A2Z Channel 11, available on analog broadcast in Metro Manila and parts of Cavite, Laguna, Quezon, Rizal, Bataan, Batangas, Bulacan, and Pampanga. It is also available on cable and satellite TV providers nationwide.