Dahil Sabado, party mode on na ang lahat! Sino ba naman ang hindi gaganahang umindak ‘pag sina Bituin Escalante, Jed Madela, Lyka Estrella, at Sofronio Vasquez ang kakanta ng paborito mong party hits? Kaya join na sa Sabado fun kantahan at sayawan with OPM’s best and the ‘Showtime’ family. 

Sundan din ang final Resbak Battle sa ‘Tawag Ng Tanghalan All-Star Grand Resbak 2025’ kung saan apat na rounds ng intense kantahan ang natunghayan, at isang panibagong plot twist ang nanggulat sa lahat! 

Buong bansa ay tinutukan ang pangmalakasang pagtatapos ng Resbak Battle round sa ‘Tawag Ng Tanghalan All-Star Grand Resbak 2025.’ 

Sinimulan ng Pangkat Agimat ang bakbakan sa Resbak Battle, with Charizze Arnigo. Vocal prowess ni Charizze ay kan’yang itinodo sa pagkanta ng “Banal Na Aso, Santong Kabayo.” 

Maliit man sa inyong paningin, ngunit nakakapuwing ang galing ng batang resbaker na si Neithan Perez. Laban na laban si bagets in his fierce and very authentic rendition of Gloc 9’s “Sirena.” 

Nahirapan ang mga hurado sa pagbibigay ng mga grado dahil parehong magaling ang sumalang sa entablado. Inilarawan ni hurado Erik Santos si Charizze as powerful yet effortless, samantala, fearless at prepared naman si Neithan. 

Pero isa lang ang mananatili. Si Charizze ang wagi matapos makakuha ng score na 97%, at napatalsik naman si Neithan na nakakuha ng gradong 96.3%.

Concert feels ang hatid ni Marko Rudio, na bumanat ng isa na namang Gloc 9 hit– “Sumayaw Ka.” Kung si Marko ay inilarawan ng mga hurado bilang total performer, si Kim naman ay binansagang great storyteller, na pinatunayan niya sa pag-awit ng “Out Her on My Own.” 

In the words of hurado Lani Misalucha, Kim’s performance always “brings us to a beautiful place.” At sa comment naman niya kay Marko, tinawag niya itong ka-level ng SB19. 

Matindi ang naging bakbakan sa tanghalan, kaya matindi rin ang naging resulta. Isang nakaka-wow na 99% ang nakuhang score ni Marko, samantala, 96% naman ang kay Kim. 

Mula sa Pangkat Alab, nagharap sina Niña Holmes at Ian Manibale. Rock na sexy ang hatid na energy ni Nina, na bumirit ng “Total Eclipse of the Heart.” Parang nasa pelikulang may ekesenang harana naman ang feeling ‘pag napakinggan ang “Araw-Gabi” ni Ian. 

Naging honest si Punong Hurado Louie Ocampo sa comment niya kay Niña. Sabi ng maestro, halatang na-rattle si Niña sa change of keys. Meanwhile, on Ian’s performance, pinuri ni hurado Louie ang tasteful choice of notes. 

With 96%, natalo ni Ian si Niña, na nakakuha naman ng gradong 90%.

High-level din ang kaba at amazement na ipinaramdam ng huling battle, sa pagitan ng dalawang natitirang Pangkat Alab members na sina Mariel Rose Reyes, na kinanta ang “Hindi Tayo Pwede,” at Arvery Lagoring, na inawit naman ang “Love Story (Where Do I Begin).”

Nananig ang talento ni Arvery, na nakakuha ng gradong 96.3%. Natalo niya si Mariel Rose na 96.3% naman ang score. 

Pero, may pag-asa pa si Mariel Rose at ang mga natalong resbakers na makabalik sa kumpetisyon at mapabilang sa Grand Finals. Bago matapos ang palabas, inanunsyo ng hosts ang pagkakaroon ng wildcard round na tatawaging ‘The Final Comeback,’ kung saan 8 mula sa 33 resbakers na hindi pinalad sa laban ang pababalikin sa entablado. 

Sa walong magbabalik na resbakers, apat ay mula sa Hurados’ Choice. Ang natitirang apat naman ay magmumula sa online votes ng taumbayan. 

Para iboto ang pambato n’yo, pumunta lang sa joinnow.ph/TNTresbakchoice at mag-log in gamit ang Google account. Kada Google account ay may four chances to vote. Maaaring bumoto ng apat na iba’t ibang resbakers, o pwede ring iboto nang apat na beses ang isang contestant, basta 4 votes for every account lang. 

Online voting is now officially open! Magsasara naman ang botohan sa Lunes, April 14, at 12 noon. 

Watch your favorite TV programs on Kapamilya Channel on SKY, Cablelink, G Sat, and most cable operators under PCTA nationwide.

On-demand viewing of programs' full episodes is available on iWantTFC. Just download the app on Google Play or App Store, or visit iWantTFC.com.

Viewers can also continue to follow the show on Kapamilya Online Live on ABS-CBN Entertainment's YouTube channel and Facebook page.

The shows are also seen on A2Z Channel 11, available on analog broadcast in Metro Manila and parts of Cavite, Laguna, Quezon, Rizal, Bataan, Batangas, Bulacan, and Pampanga. It is also available on cable and satellite TV providers nationwide.