Maghahari ang OPM ngayong Sabado sa pagbisita ng mga hari ng P-Pop, SB19. Dumagundong ang mundo ng Madlang People at ng mga A’tin, with SB19’s performance that screams power–DAM! 

Ang bawat pagtatanghal ng SB19, isang proud moment para sa Pinoy talent. Maging si Vice Ganda ay ‘di maitago ang paghanga, kaya naman labis din ang pasasalamat ng SB19 sa kan’yang all-out na suporta. Ang kwento, si SB19 Stell daw ang tumawag kay Vice Ganda para magtanong kung pwede silang bumisita at mag-promote sa “It’s Showtime.” Kinabahan nga raw si Meme nang matanggap ang text ni Stell, Akala raw niya mangungutang! 

Proud ang ‘Showtime’ family sa lead choreographer ng SB19, si Jay, miyembro ng XB Gensan, na unang nakilala sa entablado ng “It’s Showtime.” Ang usapan tungkol sa choreo, nauwi sa laro! Kopyang-kopya na ni Meme ang steps ng ‘DAM.’ Pati si Karylle, nilabas ang galawang maangas kahit OOTD ay medyo ‘di swak. 

Samantala, inimbitahan din ng SB19 ang fans sa nalalapit nilang concert. At dahil isa siya sa mga fans, nag-promise si Vice Ganda na darating siya sa araw ng concert, kahit saan pa ‘yan. 

Naki-join ang SB19 sa isa na namang makulit na edisyon ng ‘Ansabe.’ Walang ‘hari-hari’ dito, dahil napasubo sa lusutan ang mga talunang members ng grupo. 

Pagkatapos mag-asaran tungkol sa iba’t-ibang kahulugan ng SB sa SB19 (Super Bulol daw kay Ryan Bang, Senior Bansot kay Ogie Alcasid, Sobrang Bakla kay Vice Ganda, o pwede ring SP as in Super Pango kay Vhong Navarro), oras na para maglaro. 

Hindi nabokya ang team nina Vhong, Enicka, Ion Perez, Jugs Jugueta, with SB19’s Josh and Ken, and their buli-lip reader Jaze. Two points para sa Team A! Pero nakalamang ang Team B, dahil naka-tatlong tamang sagot sina Jhong Hilario, Imogen, Ryan, Cianne Dominguez, SB19’s Pablo and Justin, at buli-lip reader na si Kelsey. 

Umpisa pa lang kabado na si Vice Ganda nang mabunot niya ang pangalan ni Ayesha, na walang nasagot maliban sa isa, kaya sureball ang paglusot nina Vice, SB19 Stell, Ogie, MC, Teddy Corpuz, at Kulot. Biro ni Vice, kailangan na n’yang kausapin ang magulang ni Ayesha dahil sa sunod-sunod nitong pagkatalo. Kalmahan mo, Meme! Game naman ang SB19 sa FUNishment, eh! 

Mukhang enjoy na enjoy nga ang grupo sa paglusot. Nagawa pa ngang asarin ang isa’t-isa, tapos si Josh ‘yung ‘kawawa.’ 

Sa “Sine Mo ‘To” featuring ang kwento ni “Soafer Latina,” ang makabagong superhero, nagamit na ni Tina (Vice Ganda) ang pinakamalakas n’yang kapangyarihan na kontrolin ang mga bagay at tao sa pamamagitan ng kumpas ng palad. 

Pero mukhang si Lolo Genggeng (Ogie) ang nangangailangan ng superpowers para masabayan ang galawan ng Batang Genggeng (Darren Espanto). Kababalik lang ni Ogie, napagod agad sa dami ng nangyari. Dahil sa kapangyarihan ni Tina, nadaganan siya ng mga kasama, pati na ni Dumbo.  Kung ganyan lang din naman ang kapalaran, eh di mamimili na lang siya ng dadagan. Nadaganan na nga, pinalangoy pa na parang buwaya. ‘Pag absent si Ogie sa Lunes, alam na! Napagod ang ‘matanda.’ 

Ay! Ang tunay na powerful ay ‘yung host na makakahila kay direk Jon Moll mula sa director’s booth papunta sa entablado. Sino kaya ang host na ‘yan?  Bakit nagpapasahan ng kapangyarihan?! 

Isang ginang mula sa Madlang People ang humingi ng saklolo dahil sa ‘na-murder’ na kuko. Ginamit ni Soafer Latina ang kapangyarihan ng serum para mawala ang sakit na iniinda ng ginang. Pero ang serum sa kamay ng madlang artista, kailangan ipahid sa mukha. Hindi sa mukha niya, kundi sa mukha ng ‘Showtime’ hosts. Hindi na nakatanggi pa sina Ryan, Vhong, MC, at Jackie Gonzaga nang pahiran ng serum ang mga mukha nila.

At d’yan nagtatapos ang kwento ni ‘Soafer Latina.’ 

Ang TagaHula for today’s ‘Hide and Sing,’ isang beautiful lady na palaban sa acting. Pero pagdating sa hulaan ng boses, hindi masyadong confident si Angelica Panganiban. Kaya ang technique niya, makinig sa mga TagoGulo, maliban kay Ryan, na ayaw niyang paniwalaan. ‘Nabatukan’ tuloy ni Angelica ang kaibigan. Kasi naman, tanong ni Ryan sa mga TagoKanta, ano raw ang zodiac sign nila. 

R&B ang atake ng mga TagoKanta sa solo singing sa Round 2. Madlang People ay nilamig at kinilig sa boses ng unang mystery singer na inawit ang  “At Your Best (You Are Love).” Ala-Keyshia Cole naman ang performance ni TagoKanta 2 ng “Love.” Samantala, itinodo ni TagoKanta 3 ang kan’yang powerful voice sa pagbirit ng “On My Own.”

May mga boses na agad mong mahuhulaan. Sa mga pa-kulot at unang nota pa lang, kilala mo na agad ‘yan! At kung usapang R&B vocals na ‘di malilimutan, si Kyla ang siguradong mapapangalanan! Tama ang hula ni Angelica at ng madla. Eh, sino ba naman ang ‘di makakakilala sa distinct at iconic voice ni Kyla?!

 Watch your favorite TV programs on Kapamilya Channel on SKY, Cablelink, G Sat, and most cable operators under PCTA nationwide.

On-demand viewing of programs' full episodes is available on iWantTFC. Just download the app on Google Play or App Store, or visit iWantTFC.com.

Viewers can also continue to follow the show on Kapamilya Online Live on ABS-CBN Entertainment's YouTube channel and Facebook page.

The shows are also seen on A2Z Channel 11, available on analog broadcast in Metro Manila and parts of Cavite, Laguna, Quezon, Rizal, Bataan, Batangas, Bulacan, and Pampanga. It is also available on cable and satellite TV providers nationwide.