Madali lang naman ang formula para ‘sumakses’ sa araw na ‘to. Basta happy ka at puno ng good vibes ang puso mo, sapat na ‘yan para matawag kang panalo.

Sa ‘Ansabe,’ winner ang team na magaling sa lip-reading. Unang sumabak ang grupo nina Ogie Alcasid, Jaze, Baby Doll Arielle, Darren Espanto, AC Soriano, and their buli-lip reader Kulot.

Minsan daanin na lang sa panghuhula, ‘di ba Kelsey? Yes, girl, go lang nang go hanggang sa ma-gets mo ang lips nina Jhong Hilario, Ryan Bang, Stephen, Jannah Chua, at Eris Aragoza.

Araw ‘to ni Imogen na nakakuha ng 4 points para sa teammates niyang sina Vhong Navarro, Jugs Jugueta, Ion Perez, Ayesha, at Anne Tenorio ng Showtime Online U.

Dahil Sabado, punta tayo sa lugar na masaya. Saan? Sa perya!

Sa kwentong ‘My Love Will Make You Appear, Disappear, One-Half, One-Fourth, One-Fourth, One-Half, Disappear, Appear,’ sa Sine Mo To, opening na ng perya ni Memerlyn (Vice Ganda) kaya lahat ay nagpagalingan at humataw sa sayawan.

Magagamit na ang ni-rehearse na ‘I Wanna Dance With Somebody’ steps kahapon. Ay, kabog! May budget kaya ang opening performance, talagang pasabog! Cabuyao Acrobats ay sumirko-sirko sa entablado. Pero hindi magpapatalo sina Jhong HIlario, Ryan Bang, Ogie Alcasid, at Darren Espanto na ginaya ang last pose ng ng mga sirkero. Pero imbes na perfect stunt, riot at tawanan ang kinalabasan.

Sunod namang nagkaroon ng palarong 'Icing the Sign', kung saan dalawang players ang patalikod na nagtulakan sa isang wall of icing. ‘Yung beauty ni Jackie Gonzaga, nabalot ng frosting! Sa larong ‘Gagambattle’ naman, isa ang malalaglag at isa ang magwawagi. Napuruhan ni Jhong si Ogie!

Sa ‘Tawag Ng Tanghalan All-Star Grand Resbak,’ matira ang matibay, magwawagi ang pinakamahusay. Sino sa tatlong pangkat–Alab, Alon, at Agimat–ang magtatagal pa sa patimpalak?

Dumaluyong ang husay ni John Cedric Ramirez ng Pangkat Alon sa pag-awit ng “How Am I Supposed To Live Without You.” Ang goal daw niya ay mag-step out of his comfort zone. Sabi ni hurado Ogie Alcasid, sexy ang atake ni John Cedric today.

Parang sikat ng araw, mainit ang determinasyon ni Pangkat Alab representative Raven Heyres na lumaban. Sa pag-awit niya ng “Akin Ka Na Lang,” napaluha si hurado Ogie. Komento naman ni Punong Hurado Louie Ocampo, “Iyo na ako.”

Nagdala ng mahika sa entablado ang Pangkat Agimat pambato na si Kim Nemenzo. Binigyan niya ng mas malambing at magical na tunog ang “Habang Buhay” ni Zack Tabudlo. Sabi ni hurado Lani Misalucha, impeccable ang breath control ni Kim.

Matapos ang tapatan sa entablado, si Raven ang nakakuha ng pinakamataas na grado mula sa mga hurado. May 4 points na ang Pangkat Alab at tig-isa naman ang Pangkat Alon at Pangkat Agimat.

Watch your favorite TV programs on Kapamilya Channel on SKY, Cablelink, G Sat, and most cable operators under PCTA nationwide.

On-demand viewing of programs' full episodes is available on iWantTFC. Just download the app on Google Play or App Store, or visit iWantTFC.com.

Viewers can also continue to follow the show on Kapamilya Online Live on ABS-CBN Entertainment's YouTube channel and Facebook page.

The shows are also seen on A2Z Channel 11, available on analog broadcast in Metro Manila and parts of Cavite, Laguna, Quezon, Rizal, Bataan, Batangas, Bulacan, and Pampanga. It is also available on cable and satellite TV providers nationwide.