Magpa-fresh at magpa-cool kasama ang ‘Showtime’ family, na hindi nauubusan ng energy. Parang ‘English’ ni Ogie Alcasid, hindi nauubos, kaya naman feel at home ang foreigners na bisita sa studio.

Chill na may kasamang ‘puksaan’ naman ang hulaan sa larong ‘Ansabe.’ Napapadalas ang pagiging taya ni Kelsey, na siyang lip-reader nina Vhong Navarro, MC, Ayesha, Ryan Bang at Jugs Jugueta for today. Practice makes perfect, true? Nahasa na ang lip-reading skill ni Kelsey, na parami nang parami ang salitang nahuhulaan every day.

Si Jaze naman ang tagahula nina Kim Chiu, Ogie, Cianne Dominguez, Eris Zaragoza ng ‘Showtime Online U’ at Bresies. Good job din si Kulot, na nagdala kina Vice Ganda, Ion Perez, Lassy, Jackie Gonzaga, at Argus sa tagumpay.

Very ‘mayabang’ ‘yung Lassy na proud na proud sa pag-win niya today. Si Ogie, game sa FUNishment, pero bakit parang walang katapusan ang lusutan? Tito Ogs, nabudol ka na naman!

Ramdam na ang kaba ng mga pangkat sa ‘Tawag Ng Tanghalan All-Star Grand Resbak’ dahil nalalapit na ang araw ng paglalagas. Pero hangga’t may pagkakataon, lakas-loob silang lalaban upang ang kanilang grupo ay maiahon.

Nanganganib ang Pangkat Agimat, na may isang puntos pa lamang. Sigaw ng grupo, sana mabunot na ang pangalan ni Marko Rudio. Pero ang napili ng kapalaran ay si Shirlyn Hida, na mala-Regine Velasquez ang vocal prowess. Kasinlaki ng kan’yang talento ang mga ngiti ni Shirlyn na ikinuwento ang pagfa-fangirl mode kay Regine, na ipinakilala bilang bagong TNT hurado last week. Samantala, si hurado Lani Misalucha naman ay humanga sa tindi ng boses ni Shirlyn. Aniya, “Siguro baga ka muna bago naging tao.” Ang effortless ng mga hirit ni Lani! Pati si Vice Ganda, hindi matigil sa kakatawa!

Hindi matitinag, hindi mapipigilan ang hagupit ng Pangkat Amihan. Fresh from “Tawag Ng Tanghalan The School Showdown,” nagbabalik si Lady Mhalec Ramento.

Tagumpay ang layon ng Pangkat Alon. Go, go, go with the flow si Eunice Encarnada. Simple man ang dating pero humahampas at nakakalunod ang galing. “Fly Me To The Moon,” birit niya sa entablado. Hinangaan ni Hurado Bituin Escalante ang kan’yang talento. Speaking of talent, si Vice Ganda, mahilig daw mag-crochet noong bata pa. Totoo ba? Meme, spell crochet muna!

Girl on fire ang atake ni Niña Holmes ng Pangkat Alab, parang apoy na naglalagablab. Bumubuga ng tapang ang bawat nota ni Niña. “These Dreams” ang kan’yang kinanta. Proud husband si Shamrock vocalist, Bradley Holmes, na araw-araw sinasamahan si

Niña sa studio hanggang sa mabunot ang pangalan nito. From all-out rakrakan, pa-romantic muna ang vibe ni Niña nang mag-sample ng duet with her beloved asawa. Ang tamis! Nainggit tuloy sina Vice Ganda at Ion, na kilig-kiligan din sa pag-sample ng theme song nila.

Matapos ang isa na namang round ng resbakan, si Eunice ang nakakuha ng pinakamataas na grado. Mukhang humahabol ang Pangkat Alon!

Watch your favorite TV programs on Kapamilya Channel on SKY, Cablelink, G Sat, and most cable operators under PCTA nationwide.

On-demand viewing of programs' full episodes is available on iWantTFC. Just download the app on Google Play or App Store, or visit iWantTFC.com.

Viewers can also continue to follow the show on Kapamilya Online Live on ABS-CBN Entertainment's YouTube channel and Facebook page.

The shows are also seen on A2Z Channel 11, available on analog broadcast in Metro Manila and parts of Cavite, Laguna, Quezon, Rizal, Bataan, Batangas, Bulacan, and Pampanga. It is also available on cable and satellite TV providers nationwide.