Sa laro ng lip-reading, give na give ang mga chikiting. Kumustahin muna natin ang kanilang weekend. Dahil nakapag-recharge, ready na sila to start the new week with fun and kulitan sa 'Ansabe.'

MIA si Lassy. Nami-miss ba siya ng ka-tandem na si MC? Kahit wala si Lassy, 'minalas' pa rin ang team nina Jhong Hilario, Teddy Corpuz, Cianne Dominguez, MC, Argus (na super cute manggigil), at ni buli-lip reader, Ayesha. BOKYA on a Monday, mga bhie! Kaya ang motto, 'di bale nang zero, basta may isa pang team na matatalo.

Naka-isang tamang sagot naman ang grupo nina Vhong Navarro, Karylle, Jugs Jugueta, Ryan Bang, Jaze, at buli-lip reader, Kelsey. Nag-struggle man sa pagbigkas, bigay-todo pa rin ang ang ating very own oppa. Pero hirit nina Vice Ganda, huwag hahawakan ‘yung mic ni Ryan– baka basa!

Confident na sumalang ang squad nina Vice Ganda, Kulot, Jackie Gonzaga, Ogie Alcasid, Ion Perez, at Lorraine Galvez ng ‘Showtime Online U’, at buli-lip reader Enicka. Hindi nila inakala na matatalo rin sila. At mas lalong ‘nakaka-bitter’ ang pagkatalo, dahil kakarampot na segundo lang ang lamang ng naunang grupo. So, sino nga ba ang dapat lumusot?

Hangga’t ang laban ay ‘di pa nagwawakas, walang aatras. Excitement ay tumitindi at umiinit kaya ika’y kumapit dahil tuloy-tuloy ang salpukan ng mga magagaling na mang-aawit sa “Tawag Ng Taghalan All-Star Grand Resbak”

Mas nag-level up pa ang thrill nang ipakilala ang pinakabagong hurado para sa espesyal na edisyong ito, walang iba kundi si Asia’s Songbird Regine Velasquez. Hmm. Hirit ni Vice Ganda, parang ‘di tuloy mapakali si Ogie Alcasid. Parang nagpapapansin–o takot mabuking? Ano ba kasing meron kay Ogie tuwing uma-attend ng party? Spill mo na, Meme!

Ang mga resbakers naman ay siguradong kinabahan. May Regine na, meron pang Nonoy Zuniga at Lani Misalucha.

Mula sa TNT Kids hanggang Grand Resbak, si Cedric Ramirez, ‘di matitibag. Pangkat Alon ay mas lumakas sa pagkanta niya ng ‘Marilag.’ Versatile at swabe, mga galawang Gen Z, si Cedric ba ang mananalo today? Kung si hurado Lani ang tatanungin, nagustuhan niya ang R&B swag ni Cedric at ‘yung mga swabe niyang gimik.

Pangkat Alab ang grupo ni Adrian Manibale, pero boses niya’y mala-anghel. Ang performance niya ng “Angels Brought Me Here,” parang idinuduyan ka sa langit. Komento ni hurado Nonoy, unang linya pa lang ni Adrian, pandinig niya’y agad naakit. Teka, si Vice Ganda ay nalito nang bahagya–si Adrian ba ‘to, o anak ni Manny Pacquiao?

Pagbirit ni Aliyah Quijoy ng “Respect,” parang hangin na humahagupit. Siya ang pinakabata sa Pangkat Amihan, pero buo ang loob na sumabak sa laban. Samantala, sa unang komento ni Regine bilang hurado, ginaya niya ang style ng asawang si Ogie na mahilig sa kahulugan ng mga pangalan. Biro ni Vice, bakit magbabayad pa ng dalawang Alcasid kung iisa lang naman ang ginagawa? Hirit niya, baka si Ogie ay tanggalin na lang muna. Kidding aside, ibang klaseng inspirasyon ang ibinibigay ni Regine sa mga aspiring singers na tulad niya’y nasubok ang galing sa mga singing contests, kaya deserve niya ang pwesto bilang TNT hurado.

Sisikapin ni Tenten Pesigan na huwag matanggal ang kan’yang grupo sa Sabado, kaya pagbirit niya ng “One Moment In Time” ay itinodo. Kung ibabatay sa ngiti ni hurado Lani, ang OG Whitney Houston ng Pinas, performance ni Tenten ay malakas. Dagdag ni hurado Nonoy, malinaw ang pakanta ni Tenten at walang sablay sa tono.

Sa huli, si Adrian ng Pangkat Alab ang nakakakuha ng pinakamataas na grado (97.7%) kaya ay 3 points na ang kan’yang grupo. Pangkat Alab ang nangunguna. Mkahabol pa kaya ang iba?

Watch your favorite TV programs on Kapamilya Channel on SKY, Cablelink, G Sat, and most cable operators under PCTA nationwide.

On-demand viewing of programs' full episodes is available on iWantTFC. Just download the app on Google Play or App Store, or visit iWantTFC.com.

Viewers can also continue to follow the show on Kapamilya Online Live on ABS-CBN Entertainment's YouTube channel and Facebook page.

The shows are also seen on A2Z Channel 11, available on analog broadcast in Metro Manila and parts of Cavite, Laguna, Quezon, Rizal, Bataan, Batangas, Bulacan, and Pampanga. It is also available on cable and satellite TV providers nationwide.