Kumusta ang naging Valentine’s Day celebration kahapon, Madlang People? Si Ogie Alcasid, sinubukang paaminin si Kim Chiu. Pero tawa lang ang naging sagot ni Kim nang tanungin. 

Kung ang V-Day mo ay napuno ng sweet moments kasama ang sinisinta, eh ‘di, ikaw na. Pero kung puso mo naman ay nanlalamig, heto na ang magpapainit sa pakiramdam mo. Ang mga Sexy Babes na pinusuan sa buong lingo, nagsama-sama ngayong Sabado para sa weekly finals. Bago ang rampahan at tanungan, isang hot na dance number muna ang natunghayan, hatid ng Sexy Babes weekly finalists with Jackie Gonzaga and Rochelle Pangilinan.

Si Rochelle ang pinakabagong miyembro ng ‘Showtime Sexy Babe 2025’ Sexy AuthoriTEAM, together with Jameson Blake and Jak Roberto. 

Temperature is rising sa pagbabalik ni Sexy Babe Gwen, na trending dahil sa talent na kakaiba–ang paggagawa ng salad made of papaya.  Good for the health na, malasa pa! Pero ang hindi good ay yung mga mata ng inggitera, evil eye kung tawagin.  Naniniwala ba si Gwen sa ganitong pamahiin? 

Parang may sariling ring light si Sexy Babe Yasmien na pang-Snow White ang glow ng skin. Kung paputian lang ang usapan, lalaban si Vhong Navarro d’yan! Palaban din si Yasmien sa buhay kahit lumaking walang tatay. Handa naman siya na makaharap ang ama, pero ipinauubaya na lamang niya sa tadhana ang kanilang pagkikita.

Kaya feeling blessed si Sexy Babe Maxine sa pagkakaroon ng supportive daddy, na proud sa pagkakapanalo niya last Wednesday kung saan finlex niya ang talent sa poetry. Payo ni Vice Ganda, ipagpatuloy lang ni Maxine ang pagsusulat ng mga tula. 

May payo rin ba si Meme sa tandem nina Ryan Bang aka SAMgyupsal at Ion Perez aka Mekeni? Jokes kasi nila’y hinatulan na kung havey o waley. Grabe sa effort ‘yung ‘mag-ama,’ na nag-brainstorming pa raw with stand-up comedian Alex Calleja.

Ang beauty and body ni Sexy Babe Angela, kanino ba niya namana? ‘Pag ganyan ang tanungan mag-rereact talaga si Mama, na todo cheer sa anak, mula sa pagrampa hanggang sa Q and A. 

Kinilig naman si Sexy Babe Jazline nang hawakan ni Vice Ganda ang buhok niya. Si Jazline, pangiti-ngiti lang ‘yan pero may sama ng loob at problemang pinagdadaanan bilang breadwinner ng pamilya. Sana maramadaman na niya ang hinahanap ng appreciation at kalinga.

Kulang man sa tulog at naaksidente bago ang contest, pero hindi nagkulang sa energy si Sexy Babe Kyline. Performance niya ay itinodo ngayong Sabado. 

Lahat ay pinainit ang entablado, pero isa lang ang panalo. At ‘yun ay ang makatang babe-nibini, si Sexy Babe Maxine.

Tapos na ang Araw Ng Mga Puso pero extended ang kilig ngayong Sabado dahil sa matamis na harana ng mga TagoKanta. Pero isa sa kanila ay celebrity singer na nagkukubli, at ‘yan ang hahanapin ni Bianca Umali. 

Nahirapan si Bianca at ang partner niya sa Round 1. Mahirap matunugan kung sino ang nagpapanggap lang. Kaya to the rescue ang TagoGulo. ‘Yun ay kung makakatulong ba kay Bianca ang mga tanong at opinyon nila. Pero napansin ni Lassy parang may isang puyat, parang nag-Valentine’s gig kagabi. Uy, si TagoKanta 2 natawa. Guilty ba? 

Matapos ang Round 2 (solo performance) kung saan hinarana ni TagoKanta 1 ang Madlang People sa awiting “214,” si TagoKanta 2 ay bumirit ng “Kung Wala Ka” at si TagoKanta 3 ay “Sabihin Mo Na” ang piyesa, parang na-feel ni Bianca ang pagiging celebrity ni TagoKanta 2. Ang hula niya, si Ney Dimaculangan ang nagtatago. 

Nang magkabukingan na, lahat ay napatayo at natuwa dahil ang celebrity singer pala na hinahanap ay si TagoKanta 2, Jireh Lim, ang boses sa likod ng “Buko.” Walang makakalimot sa kilig na ibinigay noon ng kantang ‘to, lalo na ang ViceRylle shippers na ito ang theme song.

Watch your favorite TV programs on Kapamilya Channel on SKY, Cablelink, G Sat, and most cable operators under PCTA nationwide.

On-demand viewing of programs' full episodes is available on iWantTFC. Just download the app on Google Play or App Store, or visit iWantTFC.com.

Viewers can also continue to follow the show on Kapamilya Online Live on ABS-CBN Entertainment's YouTube channel and Facebook page.

The shows are also seen on A2Z Channel 11, available on analog broadcast in Metro Manila and parts of Cavite, Laguna, Quezon, Rizal, Bataan, Batangas, Bulacan, and Pampanga. It is also available on cable and satellite TV providers nationwide.