Pinakinggan ang bulong ng pusong puno ng pangarap, hinakbang ni Sofronio Vasquez ang mga paa sa tanghalan. Naging mailap man ang tagumpay, hindi siya tumigil sa paglalakbay, hanggang sa ang mga pangarap niya’y dinala siya sa pandaigdigang entablado. Sa buong mundo, ipinamalas niya ang husay ng Pilipino.  

Ngayong siya’y nagbabalik sa kan’yang unang tahanan, isang hero’s welcome ang inihanda ng buong ‘Showtime’ family para sa pride ng Tawag Ng Tanghalan. Tinupad ni Sofronio ang pangako na “It’s Showtime” ang first stop niya sa pag-uwi sa Pilipinas matapos maging kauna-unahang Asian champion ng The Voice USA, sa ilalim ng mentorship ni Michael Bublé 

Hindi na naitago ni Sofronio ang emosyon sa pagbukas pa lang ng ‘It’s Showtime’ stage. Isang powerful performance ang inihanda niya kasama ang mga TNT champs na sina JM Yosures, Lyka Estrella, Rea Gen Villareal, Reiven Umali, JM Dela Cerna at Marielle Yosures, at TNT hurados Nyoy Volante, Klarisse De Guzman, Yeng Constantino, at Darren Espanto.  

Mas naging emosyonal si Sofronio nang kausapin ng ‘Showtime’ family sa pangunguna ni Vice Ganda at nang balikan niya ang naging journey from TNT to The Voice USA. Taos-puso ang pasasalamat ni Sofronio sa “It’s Showtime” at “Tawag Ng Tanghalan” na unang nagbigay-daan upang marinig ng buong bansa at buong mundo ang kan’yang tinig. Ayon kay Sofronio, bagama’t hindi siya naging kampeon sa TNT, binigyan pa rin siya ng “It’s Showtime” ng maraming oportunidad tulad ng pagiging vocal trainer. Kaya naman very proud sa kan’ya ang mga ‘kapatid’ sa TNT na minsan siyang tinawag na ‘coach.’  

Isang natatanging parangal din ang natanggap ni Sofronio mula sa Organisasyon ng Pilipinong Mang-aawit (OPM) sa pangunguna ni Ogie Alcasid.  

We are proud of you, Sofronio!  

Watch your favorite TV programs on Kapamilya Channel on SKY, Cablelink, G Sat, and most cable operators under PCTA nationwide.

On-demand viewing of programs' full episodes is available on iWantTFC. Just download the app on Google Play or App Store, or visit iWantTFC.com.

Viewers can also continue to follow the show on Kapamilya Online Live on ABS-CBN Entertainment's YouTube channel and Facebook page.

The shows are also seen on A2Z Channel 11, available on analog broadcast in Metro Manila and parts of Cavite, Laguna, Quezon, Rizal, Bataan, Batangas, Bulacan, and Pampanga. It is also available on cable and satellite TV providers nationwide.