Sa pagpapatuloy ng tradisyon nito, inilunsad ng ABS-CBN ang 2024 Christmas ID nitong pinamagatang “Our Stories Shine this Christmas” na nagbibigay pugay sa mga makabagong bayani na nagsisilbing ilaw at inspirasyon sa kanilang mga komunidad. 

Ipinamalas sa video ang mga kwento nina JV Ambrosio at iba pang mga breadwinners sa kanilang mga pamilya, ni single-mom Elaine at ni baby Zoey na kasalukuyang lumalaban sa cancer, at ni alopecia warrior April Doria, pati na rin ang mga naging biktima nang mga dumaang bagyo. 

Tampok rin ang mga kwento nina Hernando “Mang Nanie” Guanlao at ang kanyang community library, Tatay Carlos Orit at ang kanyang mga rescue na alagang aso, pati na rin ang mga sakripisyo at kabayanihan ng Philippine Navy. 

Ang 2024 ABS-CBN Christmas ID ay kinanta nina ASAP icons Angeline Quinto, Erik Santos, Gary Valenciano, Martin Nievera, Regine Velasquez-Alcasid, Sarah Geronimo, Yeng Constantino, Zsa Zsa Padilla, It’s Showtime family at hosts Anne Curtis, Kim Chiu, Darren Espanto, Ogie Alcasid, Vice Ganda, kasama rin sina Bamboo, BINI, Coco Martin, at Piolo Pascual. 

Ito ay isinulat nina ABS-CBN Creative Communication Management’s head Robert Labayen, Des Parawan, LA Sibug, Love Rose de Leon, at Rev Martin, nilapatan ng musika ni Jonathan Manalo, at inareglo nina Tommy Katigbak at Theo Martel.