Makakasama sa pangmalakasang cast ng historical biopic na "Quezon" ang 'Game of Thrones' actor na si Iain Glen. 

Sa video na ibinahagi ng TBA Studios, personal nang nakaharap ng Scottish actor ang cast at sumabak na rin siya sa script reading, kung saan isa sa mga nakasama ang bidang si Jericho Rosales na gaganap bilang si dating Pangulong Manuel L. Quezon. 

Gagampanan ni Glen ang karakter ni Leonard Wood na nagsilbi noon na Governor-General ng Pilipinas at may malaking papel sa pagsisikap ni Quezon na makamit ang kalayaan ng Pilipinas mula sa Estados Unidos. 

Ang 'Quezon' ay bahagi ng serye ng pelikula ng TBA Studios na naglalahad ng kwento ng kasaysayan ng bansa. Nauna nang ipinalabas ang box office hits na 'Heneral Luna' at 'Goyo: ang Batang Heneral.' TV Patrol, Martes, 18 Marso 2025