'Tao Po': Ugoy ng musika sa buhay ni Dia Mate

Sa kabila ng imahe ni Reina Hispanoamericana 2025 Dia Mate bilang beauty queen, may mga bagay na hindi pa alam ng kaniyang mga tagahanga sakaniya.

Bukod sa maningning na entablado, pagandahan ng rampa, at umaapaw na confidence, sandigan din ni Dia Mate ang musika.

Hinubog ng himno ang batang si Dia Mate, ang kaniyang pagmamahal sa musika ang nagdala sakanya sa entablado.

Kwento ni Dia, "With music, I've been doing it ever since I was a small girl. So, I love performing, I play instruments, I write my own songs, I produce my own music. So, I guess I've always had a love for the stage."

Bukod sa pagiging libangan ang pagtugtog, musika rin ang nagsilbing takbuhan ni Dia sa tuwing kinakailangan niya ng saglit na pahinga at kapayapaan.

Naging daan din ni Dia ang musika sa pagpapalaganap ng kaniyang adbokasiya.

At dahil nais niyang mas palaganapin ang women empowerment, tinanggap niya ang hamon na sumali sa mga beauty pageants.

"I've seen the importance of women empowerment. And being a woman and having to empower others... I think it's really timely that, you know, especially with the music that I'm making now, that I have this platform that I can empower other women and show them that they can do anything,' ani ni Dia.

Dagdag pa rito, musika rin ang naging tulay para makilala niya ang kanyang boyfriend na si JK Labajo.

Malinaw naman kay Dia at JK na mas binibigyang prayoridad nila ang kani-kanilang mga career.

Ulat ni Bernadette Sembrano para sa programang Tao Po. (April 6, 2025)

Mapapanood ang mga episode ng Tao Po dito.