'Tao Po': Ang awkward encounter nina Kim Chiu at Paulo Avelino noong Star Magic Ball 2011

Sa Star Magic Ball 2011 nakunan ang unang photo together ng Kim Chiu and Paulo Avelino tandem.

Kwento ni Kim, "arang may ano si sir Deo. Meron siyang pa-circle dyan na parang invited after party."

Sabi ni Paulo, awkward ang unang pag-uusap dahil "hindi namin kilala yung isa't isa."

"Minsan kapag nai-interview ka nasasabi mo lang. Pero pag nandiyan na parang awkward na, hindi mo alam kung paano mo sisimulan yung conversation." dagdag ng aktor.

Pag-amin ng love team, nasubaybayan din nila ang bawat isa bago pa magtagpo at maging magkatrabaho.

Napanood ni Paulo ang Pinoy Big Brother Teen Edition 1 maging ang mga teleserye niyang My Binondo Girl at Tayong Dalawa.

Habang napanood din naman ni Kim nang sumabak sa Starstruck si Paulo hanggang maging Kapamilya aktor ang katambal at gumanap sa Walang Hanggan.

2023 nang opisyal na magkasama sa proyekto ang tambalang KimPau.

Bumida sila sa series na 'Linlang' at nasundan ng hit adaptation na 'What’s Wrong With Secretary Kim?'

Nitong 2025 naman, bumida sila sa pelikulang 'My Love Will Make You Disappear.'

Ulat ni MJ Felipe para sa programang Tao Po. (March 30, 2025)

Mapapanood ang mga episode ng Tao Po dito.