Watch more News on iWantTFC

MAYNILA — Mas intense pa pala ang dahilan kung bakit namatay si Roland (JC Alcantara) na nabunyag sa latest episode ng "Pamilya Sagrado" nitong Miyerkules.

Sa 8th episode ng show, tila hindi mapigilan ni Justin (Grae Fernandez) ang kanyang gigil kay Moises (Kyle Echarri) na tinutulungan si Nadia (Rosanna Roces) alamin ang totoo.

Sa isang flashback, buhay pa pala si Roland nang tangkain ng frat na ilibing siya, at laking gulat ni Roland na siya ay ililibing nang buhay.

"Ililibing niyo 'ko nang buhay, halos patayin niyo na nga ako, ililibing niyo pa ako nang buhay? Ipapakulong ko kayo, mga demonyo kayo?" aniya.

Tinangka ni Roland na tumakas pero nagbanta si Justin na may alam siyang ginagawa nito sa kanyang ina.

"Gusto mong sirain ang buhay ko? Akala ko 'di ko alam ang alam, ang ginagawa mo kay Mommy? Kaya kung may dapat magbayad sa 'tin, ikaw 'yun," aniya.

Tumakas pa si Roland pero natulak siya ni Justin at tumama ang ulo niya sa bato at tuluyan na itong namatay.

Mapapanood ang "Pamilya Sagrado" tuwing weekdays, 8:45 p.m. sa Kapamilya Channel, Jeepney TV, A2Z, TV5, Kapamilya Online Live, iWantTFC, at TFC.