MAYNILA -- Time out muna sa "It's Showtime" si Greg Hawkins na mas nakilala bilang si "Kuya Escort" sa tinututukan na segment na "Miss Q and A."

Watch more in iWantv or TFC.tv

Sa naging panayam ng ABS-CBN News kay Greg, ibinahagi niya ang dahilan ng kanyang biglang pagkawala sa Kapamilya noontime show.

"Inaayos po 'yung working permit ko... so I can work longer here in the Phillippines," tugon ni Greg.

Pero bago pa man sumabak sa showbiz, ibinahagi ni Greg na isa siyang dating aktibong misyonero na bumisita lang dito sa Pilipinas.

"Bilang mga misyonero sa simbahan namin, pumupunta kami sa mga bahay bahay dito sa Philippines, tapos may preaching kami tungkol sa simbahan namin. Gusto lang namin na magbahagi ng magagandang salita ng Diyos," aniya.

Kuwento pa ni Greg hindi niya inasahan na papasukin niya ang mundo ng pagmomodelo at showbiz.

"Pagkatapos ng misyon ko, bumalik ako sa USA para tapusin ang studies ko and after that nagtrabaho ako sa USA. After that my friend Ynez Veneracion asked me baka pwede ako pumasok sa showbiz. That's why andito ako ngayon," sabi pa niya.

Hindi naman itinanggi ng former Kuya Escort na nami-miss niya ang masayang kulitan sa "It's Showtime."

Watch more in iWantv or TFC.tv

"I love everybody in 'Showtime' and i'm very very thankful to them. I also miss Vice [Ganda]. I hope we see each other soon," sabi pa ni Greg.

At kung tatanungin naman kung sino ang mas karapat-dapat sa kanila ng bagong Kuya Escort na si Ian Perez, sagot niya: "I don't know much about Ion. From what I know, he's very professional, a wonderful person, great personality, works very hard and he does a great job. He deserves the positive exposure he gets, and I hope fans will give him the same support that they given to me," pahayag pa niya.

Sa huli, tanging pasasalamat ang ipinaabot ni Greg sa mga fans na naghihintay sa kanyang pagbabalik sa "It's Showtime."

"I've never felt a love from people... so thank you so much," pahayag pa niya.