Watch more in iWantv or TFC.tv

MANILA -- "It's a blessing."

Ito ang sinabi ng aktor na si Marco Gumabao patungkol sa kanyang pinsan na si ABS-CBN News showbiz reporter Gretchen Fullido.

Sa "Magandang Buhay" nitong Huwebes, sinabi ni Marco na tumatayo ring nakakatandang kapatid si Gretchen sa kanya.

"Every time you meet na mayroon ka pa palang kapamilya na ngayon mo lang nakilala, nakakadagdag excitement. Because all your life hindi mo siya nakilala and suddenly nandiyan na siya. So you want to make up for the lost time na hindi niyo nagamit noong bata pa kayo," ani Marco.

Tulad ng isang kapatid, hindi nagkulang si Gretchen sa pagbibigay ng payo at paalaala sa kanya.

Ayon kay Marco at Gretchen, malalaki na sila nang sila ay maipakilala sa isa't isa.

Pero ani Gretchen, kahit hindi pa sila nagkikita noon ay alam niyang pinsan niya ang aktor.

"Nagkilala kami rito na. Pero we know we existed na mag-pinsan. It's just that nagkilala kami may isip na kami," ani Gretchen.

"Actually ang ka-close talaga ni ate Gretchen 'yung eldest sister ko. Sila talaga 'yung nagkakasama before. Kasi nauna si ate Gretch na mag-showbiz. So sabi ng ate ko 'o, pinsan natin si Gretchen Fullido.' Sabi ko, 'Yun ang news anchor, hindi ba?' So sabi ko it's nice to know na malaki pala 'yung family namin," dagdag ni Marco.

Ang ina ni Gretchen ay kapatid ng ama ni Marco Gumabao.

Ayon naman kay Gretchen, ang importante ngayon ay makagawa sila ng magagandang alaala bilang magkapamilya.

"Ako I'm happy also. Now I have a little brother also na mayroon din akong pinapagalitan ng slight. Because I'm an only child, mayroon akong instant baby brother at nasa same industry pa kami. Now that we have more memories that we can make. Hindi naman importante kung dati wala, ang importante 'yung from now onwards and will make it beautiful. Tapos ang dami pa naming nami-meet na bagong cousins. Kasi ang guwapo talaga ng lolo namin," ani Gretchen.

Samantala, sa "Magandang Buhay" ay ibinahagi rin ni Marco na pinsan niya rin ang aktres na si Barbie Imperial.

"Second cousin ko rin si Barbie Imperial. Nalaman lang din namin ni Barbie like two years ago. Parang sabi ko kay Barbie, 'Barbie, paano ka naging Imperial?' Taga-Bicol din sila, eh 'yung mommy ko taga-Bicol. So, sabi ko 'Sino yung lolo mo?' So nag-trace na kami, nag-family tree na kami. So nag-send si Barbie ng parang old picture. Nakabilog 'yung face. So I ask my mom sino ito. 'Ah kapatid 'yan ng lolo mo.' So, ibig sabihin magkapatid ang lolo namin, mga second cousin kami," ani Marco.