MAYNILA -- Looking forward ngayon ang komedyante na si Dennis Padilla sa kanyang panibagong proyekto kasama si Regine Velasquez na "Yours Truly, Shirley."

Ito ang unang sabak nina Dennis at Regine sa Cinema One Originals film festival.

"I'm excited kasi this will be my first movie with Cinema One," tugon ni Dennis sa panayam ng ABS-CBN News.

Ayon sa komedyante, hindi ito ang unang beses na nakasama niya sa isang proyekto si Regine, kaya naman inaasahan niya na mas komportable na sila sa isa't isa.

"I'm sure magiging komportable kasi kaibigan, kaya excited ako. The last time I was with her pa eh sa kabilang network pa, so this will be a new experience para sa akin," aniya.

Inaasahan na ngayong Nobyembre mapapanood ang "Yours Truly, Shirley" at iba pang pelikula na bahagi ng Cinema One Orginals.