A post shared by Δwʀα (@awrabriguela) on Apr 26, 2018 at 3:52am PDT

MANILA -- Naospital ang batang aktor na si Awra, o McNeal Briguela sa totoong buhay.

Sa kanyang Instagram page nitong Martes, naglabas si Awra ng mga retratong kuha sa ospital kung saan siya dinalaw ng kanyang mga kaibigan na sina AC Bonifacio at Riva Quenery.

Hindi man nagbigay ng detalye sa kung ano ang kanyang naging kondisyon, sa caption ay isinulat ni Awra na nanggaling siya sa "operating room."

Ate @riva madaming madaming salamat sa love ate 😭 grabe nalaman mo lang na nasa ospital ako ang bilis mo akong pinuntahan 😢 tapos nung nasa “OPERATING ROOM” ako nan dyan ka lang hanggang matapos yun salamat sa pag pray 🙏🏻 mo saken 😇 love you ate ❤️💕😘 Never kong na feel na hindi ako importante sayo 😘😘

A post shared by Δwʀα (@awrabriguela) on May 22, 2018 at 12:38am PDT

Sa panayam ng ABS-CBN News, kinumpirma ng head writer ng Star Cinema at manager ni Awra na si Henry Quitain na dinala ang aktor sa isang ospital sa Quezon City nitong Linggo.

Aniya, inoperahan daw si Awra sa appendix.

Wala rin daw dapat ipag-alala ang mga tagahanga ni Awra dahil nasa maayos na itong kalagayan.

Salamat sa pag dalaw bestieee @andreebonifacio 😘😘

A post shared by Δwʀα (@awrabriguela) on May 22, 2018 at 2:46am PDT

Sa ngayon ay parte si Awra ng sikat na seryeng "Ang Probinsyano."

Matatandaang nakilala si Awra sa kanyang mga nakakatuwang videos online.