Watch more in iWantv or TFC.tv

Mula nang ianunsiyo ni Liza Soberano na umatras na siya sa "Darna," kaliwa't kanan ang hula kung sino ang susunod na gaganap sa papel ng iconic Pinoy superhero.

Isa-isang nilapitan ng ABS-CBN News ang mga matutunog na pangalan para sa papel at lahat sila ay ikinalungkot ang pagbitiw ni Soberano sa proyekto.

"Nalungkot ako for her kasi alam ko 'yong preparations. Narinig ko kung paano siya mag-workout, paano 'yong pagkain niya," sabi ni Kathryn Bernardo.

"I also messaged her kasi I can imagine how it feels like," ani Pia Wurtzbach.

"I feel really bad for what happened," dagdag ni Wurtzbach.

"It would be really nice to see her because she was working on it na, sayang," ani Nadine Lustre.

Sinagot na rin ng apat ang pagiging mga pambato bilang susunod na Darna.

"Ang daming mas senior sa akin na mas deserving for that," ani Bernardo.

"Kung hindi si Liza 'yong gagawa, as a fan of Ate Angel [Locsin], I would love to see her in Darna costume again," dagdag ni Bernardo.

"I would like to thank everyone for the support, but I mean, Darna kasi would be given, I'm sure, to someone deserving for the role," ani Lustre.

"Kung sino ang gagawa ng Darna, grabe ang pressure noon," sabi naman ni Salvador, na tumangging magsalita kung gusto o ayaw ang papel.

Pero si Wurtzbach, game mag-audition.

"Kung papalarin na ibibigay sa akin 'yong role na Darna, tatanggapin ko. I will work hard, I will train, I will attend workshops, ibibigay ko lahat ng lakas ko but of course, it's ABS-CBN's decision who is perfect fit to play the role," aniya.

-- Ulat ni MJ Felipe, ABS-CBN News