MAYNILA — Muling magbabalik ang mga seryeng “The Legal Wife” at “Got To Believe” sa ABS-CBN.

Simula Lunes, Marso 23, muling mapapanood ang “The Legal Wife” na pinagbibidahan nina Angel Locsin, Jericho Rosales, JC de Vera at Maja Salvador sa ganap na 3:25 ng hapon.

Sa pareho ring araw, ganap na 4:15 ng hapon, magsisimula ang pagpapalabas ng kilig na seryeng “Got To Believe” na pinagbibidahan naman ng sikat na tambalan nina Kathryn Bernardo at Daniel Padilla.

Dahil na rin sa banta ng coronavirus (COVID-19), una nang ipinatigil ng ABS-CBN ang taping ng mga sikat na serye at live entertainment show.

Pansamantala, ang mga dating kinagiliwang serye ng Kapamilya network ang muling mapapanood habang nasa ilalim ng “enhanced community quarantine” ang buong Luzon.