MAYNILA -- Hindi nagpahuli sa kanyang action scenes sa "FPJ's Batang Quiapo" si Ronwaldo Martin, ang kapatid ng bidang aktor ng serye na si Coco Martin.

Sa pinakabagong programa, ginagampanan ni Ronwaldo ang karakter ni Santino, ang pinakabatang kapatid ng bidang karakter na si Tanggol (Martin).

Nito ngang Miyerkoles, nauwi sa rambulan ang naging pagsali ni Santino sa boksing sa kanilang barangay matapos itong dayain ng kalaban.

Nasabit sa kaguluhan si Tanggol matapos nitong tulungan ang bunsong kapatid.

Watch more News on iWantTFC

Matatandaang noong 2017 unang nagkasama sa primtime TV sina Coco at Ronwaldo nang maging parte ang huli sa pitong-taong serye ni Coco na "FPJ's Ang Probinsyano."

• PANOORIN: Kapatid ni Coco Martin, bahagi na ng 'Ang Probinsyano'

Tulad ni Coco, hindi rin pahuhuli sa pag-arte si Ronwaldo na nagwagi bilang Best Actor sa Harlem International Film Festival sa New York noong 2017 para sa kanyang pagganap sa "Pamilya Ordinaryo."

• Coco Martin's brother wins at Harlem film festival in New York

Sa nakaraang video na inilabas ng show producer na Dreamscape Entertainment, ibinahagi ni Ronwaldo ang saya na maging parte ng "Batang Quiapo" at makasama sa trabaho ang kanyang kapatid na inilarawan niya bilang kanyang idolo.

"Masaya po ako sa role ko kasi talaga namang idol ko rin po ang kuya ko," ani Ronwaldo.

Mapapanood ang "FPJ's Batang Quiapo" mula Lunes hanggang Biyernes, 8 p.m. sa Kapamilya Channel, Kapamilya Online Live, Cinemo, A2Z, TV5, iWantTFC at TFC.

• These actors are thrilled to be part of 'Batang Quiapo'

Kaugnay na mga video:

Watch more News on iWantTFC

Watch more News on iWantTFC