Nagsalita na ang dating MTRCB Chairman na si Atty. Eugenio "Toto" Villareal tungkol sa pagsuspinde ng 12 araw ng Movie and Television Review and Classiiciation Board (MTRCB) sa noontime show ng Kapamilya channel na It’s Showtime. Ginawa ang naturang announcement noong September 4, 2023.

Nakapanayam ni Alvin Elchico ang dating MTRCB chairman sa radio program na Gising Pilipinas nitong Martes, September 5, 2023.

Si Atty. Eugenio "Toto" Villareal ay dating Ateneo Law professor bago nanungkulan sa MTRCB noong 2013 bilang kapalit ni Sen. Grace Poe.

Ayon pa sa kanya, ikinalungkot niya ang pangyayari.

“Well, ang una kong reaksyon of course is nakakalungkot. Even sa nagdedesisyon...” pahayag niya.

Ganito rin daw ang dapat maramdaman ng mga taong nagpapatupad ng batas sa MTRCB.

“Dahil yung law na nag-create ng MTRCB, isa sa whereas clauses niyan ay ang pagtaguyod ng movie and television industry and therefore, part ng industry ay ang ordinaryo nating crew, aside sa mga artista,” dagdag niyang paliwanag.

Ayon pa sa dating MTRCB chair, malaki ang epekto ng 12-day suspension sa It’s Showtime  hindi lang sa mga artists at hosts ng noontime show kundi lalo na sa mga staff and crew nito.

“Malaki ang dagok ng tinatawag nating 12-day suspension,” sabi pa niya.

Samantala, Vice took to social media to share a post about “opportunity.”

Ang naturang post ay na-upload sa kalagitnaan ng pagsususpende ng MTRCB sa It’s Showtime .

Sinuportahan naman si Vice ng kanyang mga fellow hosts sa It’s Showtime.

Sa kanyang Instagram page, ibinahagi rin ni Vice ang series of heartwarming group photos nila ng kanyang mga kasamahan.

Kabilang naman sa nag-iwan ng kanilang komento ay si Vhong Navarro na sinabing kung ano man daw ang nangyayari ay isang "Pagsubok lang ang lahat! Keep the faith!"

Ani Ogie Alcasid na isa rin sa mainstay hosts ng It’s Showtime , “Love is what binds our family.”

Nakatakda namang maghain ng “motion for reconsideration” ang It’s Showtime dahil sa naging desisyon ng MTRCB.

"We will submit a motion for reconsideration.” wika nila.