Business and pleasure ang kinalabasan ng second honeymoon ng mag-asawang Ara Mina at Dave Almarinez sa Hungary ilang linggo na ang nakakaraan.

“Nag-travel kami na may halong business kasi ganun' yung asawa ko, eh. Hangga’t nandun kami, hahaluan na rin niya ng business deal kasi may kausap din siya dun," ani Ara.

“Kumbaga, parang two-in-one ang travel, business and pleasure at the same time. 'Yung mga meetings namin 'pag morning, tapos pasyal na kami sa hapon and then singit ng dinner sa mga kausap namin,” kuwento ng aktres sa PUSH.

Nine days tumagal ang honeymoon nina Ara at Dave sa Hungary.

“Nag-quick visit lang kami sa Vienna. Hindi na kami nag-Europe tour  kasi di ba ang daming nag-u-Europe tour ngayon. Sa Vienna ang daming tao at hindi mo rin mai-enjoy eh pag nagpi-picture ka," ani Ara.

“Mas na-enjoy ko 'yung Hungary. Tapos laidback. Hindi 'yung parang tourist spot talaga na ang dami-daming tao. Mas relax,” saad ni Ara.

Natatawang ibinahagi rin ni Ara na masayang-masaya ang asawang si Dave na na-solo siya nito sa ibang bansa.

Aniya: “Kasi 'diba, for two years nagla-lock in ako sa Probinsyano eh. Tapos busy naman kami nung past election.

Ayaw namang kumpirmahin ni Ara kung sa Hungary na ba mabubuo ang inaasam nilang first baby. Isang taon n arin kasi ang nakalilipas pagkatapos ikasal ng dalawa sa Baguio City.

“Let’s see, let’s find out. Pero ayokong madaliin kasi medyo marami pa akong gagawin this December. So, baka next year na. Kung hindi mabuo dun sa Hungary puwede naming dito namin gawin di ba?” natatawang hirit ni Ara.

“Kasi after the wedding nag-quick honeymoon lang kami eh. Sobrang bilis lang, three days. So, let’s see. Sa Hungary siyempre ti-nry namin and tingnan natin kung magkakaroon ng 'Made in Hungary,'" dagdag pa ng aktres.

"Pero if not naman. we’ll not be frustrated. Ibig sabihin kasi baka ‘Maid in the Philippines’ si baby. Ang lamig kasi do’n, eh, pero masarap kapag malamig, di ba?” biro ulit ng aktres.

Samantala, isa si Ara sa dating sexy star na naka-graduate sa paggawa ng mga sexy movies at nagkaroon ng mga acting awards. Isa rin siyang matagumpay na entrepreneur at businesswoman na nagma-may-ari ng Hazelberry Café na may anim na branches na.

Ano ba ang advice niya sa maraming sexy stars ngayon na ginagawang stepping stone ang paghuhubad sa streaming platforms?

“Siguro sa sobrang daming nagpapaseksi ngayon, paano ka aangat sa iba, siyempre patapangan. Mas pag-uusapan ka. So I think nasa level sila na kailangang mapansin sila," aniya.

READ: Ara Mina, husband mark first anniversary as a married couple

“But pag napansin ka na, you need to level up your acting and then hindi lang 'yung para mapansin ka lang. Kasi ayaw mong forever sex symbol ka eh. You need to elevate, innovate yourself," payo ng award-winning aktres sa mga sexy stars ng bagong henerasyon

Pagpapatuloy pa niya: "Tapos pag napansin ka na ipakita mo na sa kanila na meron ka talagang ibubuga sa acting para puwede ka pang ma-cast sa ibang project. Kasi alangan naman na nagseseksi ka pa rin kahit nagkakaedad ka na 'di ba?”