Sa ulat ng TV Patrol, arestado si CJ Ramos, kilalang child actor noong ‘80s at ‘90s, sa isang buy bust operation sa Quezon City. Nakilala siya noon sa Ang TV movie at Ang Tanging Yaman.

Aminado si CJ na may sampung taon na siyang gumagamit ng illegal na droga dahil daw sa, “hirap ng buhay, problema, saka sobrang addictive talaga tong droga na ‘to e. Nabiktima lang din po talaga ako. Pero ang problema dun nagpapa-biktima tayo sa ganitong masamang bisyo na ‘to.”

Nanawagan din siya sa mga nasa showbiz na wag nang tumulad sa kanya. “Wag niyo nang subukan. Kung may chance pa kayo, tigil niyo na. Basta ako nahihirapan ako. Suwerte niyo nandiyan kayo.”

Bailable ang kaso ni CJ at may plano daw itong magpa-rehab.