Sa Tonight with Boy Abunda, inamin ni Hero Angeles na single siya ngayon. “Yes, may hinihintay.” Nang tanungin kung gaano na katagal ang last relationship niya, sinabi ni Hero na, “Matagal na rin, siguro yung last hindi ko na mabilang kung kailan.”

Sinabi din niya na maraming nagsasabi sa kanya na halos lahat na ng mga kabatch niya sa Star Circle ay nag-asawa na. Kinilig naman ang fans at sinabi na “sila na lang ni Sandy (Sandara Park)” ang walang asawa.

2006 pa raw huling nakita ni Hero si Sandara at hindi pa sila nagkakausap uli. Kung magkita daw sila ay hindi alam ni Hero kung ano ang sasabihin niya kay Sandara. Dagdag pa niya, “Pero ang nakakatuwa dun nung papunta ako dito nakasalubong ko si Direk Cathy (Garcia-Molina), yung first director namin sa movie. Tapos first movie niya kami rin yung hinandle niya sabi nga niya sana magka-movie tayo ulit.”

Kung magkakaroon man daw ng girlfriend si Hero ang gusto niya sa isang babae ay, “tahimik. Magaling magluto at masarap kasama.”