Sa Rated K, nagpaunlak ng exclusive interview ang Thai internet sensation na si Mader Sitang. “The people of the Philippines give love for me and follow me. I love the Philippines very much,” masayang sambit niya.

Nangangako din siya na pag-aaralan niya ang lengwahe ng Pilipinas.

“ I promise in the future I will learn language Tagalog,” pangako ni Mader Sitang.

Ang buong pangalan ni Mader Sitang ay Sitang Buathong. Isa siyang human rights lawyer kaya hindi siya kaagad nakapag-come out bilang isang transgender. Forty years old na si Mader Sitang nang magdesisyon siyang mag-come out. Matapos nito, naging fashion designer siya sa Bangkok.

READ: Thai social media sensation Mader Sitang nasa Pilipinas para makilala ang kanyang mga fans

Dagdag pa niya 13 years na silang magkasama ng kanyang asawa at sinasama niya rin ito sa kanyang mga videos minsan. “Yung husband ko din masaya kapag nakikitang masaya ako. Minsan sinasama ko ang husband ko na sumayaw tapos natutuwa din ang mga followers ko na nakikita husband ko.”

Hindi na rin daw siya ngayon nagpa-practice ng law dahil delikado daw ito sabi ng asawa niya.

Ikinuwento din ni Mader Sitang, ang ibig sabihin ng kanyang sikat na head roll dance niya at ang salitang ‘sabat’ ay “sayaw na.” Kung kaya daw parang sinasabi niya na, “I will dance now, I can’t wait.”