Sa ulat ng TV Patrol, bukas diumano si Jessy Mendiola na makatrabaho muli ang kanyang ex-boyfriend na si JM De Guzman, na katulad ng aktres ay magbabalik trabaho din ngayong 2018. “Basta sa akin as long as he is okay, he is happy, he has fully recovered and he is ready to work I’m just… good luck sa kanya!”

Alam din diumano ni Jessy ang napapabalitang showbiz comeback ni JM. “I’m really happy for him. Lahat naman ng tao may pag-asang magbago. So kung saan siya masaya, masaya ako para sa kanya.”

Matatandaang nag-break si Jessy at JM noong 2015. Hindi nagtagal ay nawala si JM sa showbiz. Ayon sa ulat, bago pa ang 2015 ay two years din nawala sa limelight si JM dahil sa pagpapa-rehab nito. May 2017 naman nang halos mag-quit sa showbiz si Jessy pero pinigilan siya ng boyfriend na si Luis Manzano at manager na si Johnny Manahan.