Sa TV Patrol, ibinalita na sabay nag-premiere ang mga pelikula nina Vhong Navarro at Deniece Cornejo. Ang pelikula ni Vhong ay Woke Up Like This at kay Deniece naman ay Broken Hallelujah.

Tumangging magbigay ng pahayag si Deniece sa ongoing case niya laban kay Vhong.

“That's a very sensitive question po. I cannot comment on that po. Sinusunod ko lang po ang advice ng mga lawyers ko not to talk about anything about my case.”

Nauna nang nagbigay ng pahayag si Vhong tungkol sa apela ng kampo ni Deniece sa Department of Justice na buksan ang na-dismiss na rape case laban sa kanya. “Hindi na nga ako nagsinungaling e. Kumbaga lahat sinabi ko na. Siguro alam ng Panginoon kung ano ang totoo. Kumbaga siguro naniniwala Siya sa akin kasi hindi totoo e. Siguro kaya lang talaga ako blessed.”