Biyaheng Madrid, Spain ngayon si John Raspado bilang kinatawan ng Pilipinas sa 2017 Mr. Gay World pageant na mag-uumpisa ngayon May 5, 2017.

Nakilala noong 2014 si John bilang isa sa mga kalahok sa segment ng It's Showtime na Pogay. Siyang ang itinanghal bilang grand champion.

Kuwento ni John malaki ang nagbago sa kanyang buhay matapos ang kanyang naging experience sa It's Showtime.

'Sa It's Showtime kasi more of conquering my fear sa stage. From this shy person tapos ngayon, sa sobrang dami na naitulong sa akin ng Pogay, I've become a different person. Actually more intellectual and more confident as in yung kakaiba na yung John na nakikita niyo ngayon.'

Positibo naman si John na malaki ang pag-asa ng Pilipinas upang maiuwi ang kauna-unahang titulo bilang Mr. Gay World.

'Halos lahat naman din deserving sa title pero siguro mag kaka-talo naman sa voting at sa suporta ng mga kababayan natin,' sabi pa ni John.

Bilang kabahagi ng LGBT community, aminado si John na hanggang sa ngayon ay challenge pa din para sa mga Pilipino na tanggapin ang gay and lesbian community.

'Just like in other countries, hindi pa din kasi totally accepted ang LGBT around the world kahit dito sa atin. It's not enough dito sa Philippines ang ma-recognize, pero yung mga kababayan natin step by step tinatanggap na nila tayo.'

Challenging man ang acceptance at recognition mula sa sa ibang tao, full support naman ang ina niya at ang kanyang pamilya sa kanyang magiging laban sa Mr. Gay World Pageant.

'Yung acceptance palang niya it gave me a full potential as openly gay person. Yung love palang nila malaking tulong na para sa akin na baon ko sa magiging laban ko sa Spain,' pagtatapos na pahayag ni John.