Sa Tonight with Boy Abunda, maraming ang nagpa-abot ng pagbati sa pagkamit ni King of Talk Boy Abunda ng kanyang Doctor of Philosophy in Social Development.

Una na rito ang kanyang long ime partner na si Bong Quintana na kinwento ang private moment ni Boy at ng kanyang Nanay bago ito umalis ng bahay. “’Pag alis namin sa bahay kanina sabi lang niya Nanay gagraduate na po ako. Napakatouching gusto ko ngang videohan e, e kaya lang baka dagukan ako e. That's a very private moment between Nanay and Boy.”

Pagpapatuloy ni Bong, “proud ako in spite of his busy schedule nakaya niyang gawin ito lalo na yung dissertation niya nakita ko kung paano yung journey. We’re proud of you sana kung ano pa yung gusto mong mangyari sa buhay mo no, andito lang ako susuporta sa’yo. I promise to keep quiet every time nag-aaral ka gaya ng pagsuporta ko sayo kapag pinapatahimik mo ako every time you work.”

May baon ring kwento tungkol kay Boy ang kanyang dating Professor na si Amb. Rosario G. Manalo, “In fact I can tell you that when I first met Boy sabi ko sino yang mayabang na yan. I changed my attitude towards him as time goes by. I discovered him to be a very serious student. Hanga ako sa kanya tuwang-tuwa ako ng makita ko. E talagang pinaghirapan niya yun. He sweated it out.”

Nagpa-abot rin ng pagbati si Philippine Women’s University President Dr. Jose Francisco B. Benitez, na isa sa naging panelist ni Boy sa pagdepensa ng kanyang thesis. “Masipag, walang patawad, nagbabasa, nagtatrabaho. I was actually sitting with the panel on his defense and I can attest pinahirapan talaga siya namin. Pumasa naman. I do hope that you continue further. Even though a Doctoral Degree is the end point in terms of degrees, it is not the end point of the advocacy.”