Year 2006 pa pala nang umalis si Top Suzara sa bandang Freestyle. Naging solo singer siya at napasama pa nga sa ASAP ng ABS-CBN. Ang hindi alam ng fans, si Jinky Vidal (vocalist ng Freestyle) pala ang dahilan ng kanyang pag-alis sa banda.

Sa interview ng Push.com.ph kay Top Suzara sa presscon ng back-to-back pre-Valentine concert nila ni Jay Durias ng South Border titled Valentine Playlist na gaganapin on February 12 sa KIA Theater, naikuwento niya ang pangyayari.

“When I left, it was because of Jinky. Kasi may problema yata before, hindi ko alam but the relationships were straining. Eh, she’s married to my cousin, di ba, who’s still in the band but they are now estranged from each other.

“Eh, ako naman, ‘sige may problema tayo how can we solve it, let’s identify the problem. Ano ba talaga yung problema.’ To me, I’m not doing anything, ginagalang ko siya bilang kapatid and somehow, she has something against me.

“Wala akong ibang pagtingin kay Jinky except , she was like a sister to me, I considered her a sister and a cousin... Alam mo, to this day, hindi ko talaga alam kung ano yung dahilan, hanggang ngayon hindi ko alam,” kuwento ni Top.

Idinagdag din ng singer na may mga pagkakataong binastos siya ni Jinky habang nagpi-perform sila sa harap ng audience.

“It was hard because, you know, you have to be in front of the people, in front of your bandmates pretending na you are happy. All these bands are coming to watch us and then, here I am... Papunta pa nga lang ako sa gig noon parang I want to go home na agad, eh.

“Masakit din yon kasi mahal mo tong ginagawa mo, mahal mo yung grupo and something is wrong but you don’t know what it is. And how can you solve it?” diretso pa niyang pahayag.

Naging okay lang daw sila ni Jinky nung 2012 nang pagsamahin sila ng Viva sa Reunited album. Nagkausap daw sila at nagkita during the pictorial at naayos na ang lahat.

“Ako na ang nag-break ng ice. Hinug ko na siya from behind nu’ng magkita kami sa pictorial. Kinumusta ko siya para di na rin siya mailang... she’s still a girl and you should treat her like a lady. Na-relieve naman siya sa ginawa ko,” he said.

Going back to Valentine Playlist concert kasama sa magiging repertoire niya ang mga kantang pinasikat ng Freestyle like “Before I Let You Go,” “This Time,” “Para Sa Yo,” “Once In A Lifetime,” “Sabihin Mo Na” at marami pang iba.

Excited din daw siyang makasama sa iisang stage ang South Border.

“It’s always great to be with the band. Some of the members of South Border are very close to me on and off stage so I’m very excited to be onstage with them,” sambit pa niya.

Ayon naman kay Jay ng South Border, kakantahin nila sa concert ang mga hit songs nila like “Kahit Kailan,” “Love of My Life,” “Do You Believe in Me,” “Rainbow” at marami pang iba.

Magiging special guest ng Valentine Playlist sina Gloc-9 at Kyla. The concert will be directed by Treb Monteras at si Jay mismo ang musical director.