Andre says he and Yassi are ready na mai-compare sa Jadine loveteam

Nagsimula ang love team nina Andre Paras at Yassi Pressman sa blockbuster movie ng Viva Films na Diary Ng Panget, na pinagbibidahan nina Nadine Lustre at James Reid. Sa Feb. 10 may launching movie na rin ang love team nila ni Yassi titled Girlfriend for Hire.

Hindi ba napi-pressure si Andre ngayong meron na rin silang solo movie ni Yassi?

“Kahit papaano, may pressure pa kasi hindi pa nagsi-sink-in na kami na yung nasa poster, kami na yung mapapanood ng tao at kami na yung bida.

“Ang sa akin na lang, I’m thankful na whatever happens, I’m here na rin naman and I was given projects. Wala namang pare-pareho , eh.

“I believe that everybody has their time. And minsan, everybody has their own break talaga. Sa showbiz kasi, you have your own time talaga,” simula niyang pahayag sa PUSH.

Hindi rin daw niya pinagsisisihan na pinili niya ang showbiz kesa maging basketball player.

“I’m not regretting everything. I’m just happy na ito yung binigay sa akin kasi I’ll work with what I have... I’m thankful,” sabi pa niya.

May reaksyon din si Andre sa patuloy na namba-bash sa kanyang pag-arte.

“I take it as a motivation, yung mga bashers. Kasi minsan, maybe may mga hinahanap sila sa akin or ini-expect na di ko maibigay. Pero tinatanong ko naman ang director ko, ‘direk, okey ba yon? And I’m sure naman na they are not lying.

“Of course, nakaka-hurt din kasi all I wanna do naman talaga is to entertain people, pero minsan, di pa rin nila yon naa-appreciate... But I shouldn’t get offended and I’m sure naman there are other artists na mas worse yung sinasabi,” rason pa niya.

Eh, hindi ba siya natatakot na ikumpara ang love team nila ni Yassi sa tandem nina James at Nadine lalo pa nga’t pareho silang nasa Viva?

“I’m sure a lot of people will compare, ‘yan naman ang uso ngayon, eh. When people compare, they want look for something na mali. And for me naman, if you compare me or kami with James and Nadine, wala naman sa amin yon, eh, kasi we’re all friends talaga.

“I’m ready for anything. Hindi naman ako napipikon or something. Nu’ng bago pa lang ako, sinasabi nila na I’m not supposed to be here kasi you’re not worth it, but for me, I will just do my own thing.

Hindi pa ba siya nai-in love kay Yassi?

“Well, there are times na we like each other and it’s natural coz we’re only human. Yung ligaw, puwede naman kaso we both made it to the point na parang we need to do work first.

“Kasi alam nyo naman ito, kung may na-in love, may isyu-isyu. Kung nag-break mas malaking isyu and yung fans mawawala,” pagtatapos ni Andre.