Albert nadurog ang puso sa nangyari kay JM

Maliit lang dapat ang role ni Albert sa afternoon series na All Of Me, pero dahil sa nangyari kay JM de Guzman, ibinalik siya sa teleserye.

“Originally talaga, I’ll be honest and candid with you, ang agreement talaga namin with All of Me, is the pilot which I fell in love with the very first day na prinisent sa akin ang character. It’s something I want to do,” pag-amin niya sa Push.com.ph.

“Saka kailangan ko siyang gawin because I’m growing through a process and ‘yun na ‘yon. I was happy with the pilot and I was happy kung anuman ang umikot doon during the shoot

“Pero hindi ako bumitaw sa project. Actually, kinomend ko nga si JM. Sabi ko, ang galing ng transition. Hindi mo naramdaman na si Doc Manuel, tapos, naging Edong. Ang ganda ng pagka-handle niya which I’m very happy. Actually, happy ako all the way hanggang to the moment na um-exit si JM.

“Now, may usapan kami na puwede akong lumabas sa dulo pag naayos na si JM, ni Edong ‘yung kanyang journey. ’Yun ang original idea,” dire-diretso pa niyang paliwanag.

Eh, ano ang feeling niya na nawala si JM sa cast ng All Of Me?

“Again, being candid about it. I really felt so bad. Number one, he’s young. Number 2, hindi lahat ng tao nabibigyan ng ganoon klaseng opportunity. Number three, he’s very talented. Nakita ko ang sarili ko sa kanya, eh. Kung gaano siya mag-focus sa trabaho, magpursige, kung paano niya mahalin. Tapos, dumating sa ganoong sitwasyon. Parang nadurog din ang puso ko sa nangyari sa kanya.

“And I’m still hoping na... kung sabihin nila sa akin na babalik na siya, I will give it back to him because deserving siya, eh. I mean, wala akong maisip na ibang taong gagawa no’n except him. Ibig sabihin, ganu’n niya kagaling hinandle yung character,” reaksyon niya.

Wala raw silang communication ni JM at sa taping lang sila nagkakausap noon.

“I’m hoping na maka-recover siya kung anuman yung pinagdadaanan niya,” sambit pa niya.

Kinumusta na rin namin sa kanya kung ano ang kalagayan ng mother-in-law niya na si Amalia Fuentes na naka-confine pa rin hanggang ngayon sa Korea dahil sa atake.

“My mother-in-law, pero hindi ako yung authority dito ha, kung meron man, siguro yung mga Muhlach or my kids. Based from mga na-mention sa akin ng mga bata, she’s kumbaga on her way to recovery. But the recovery will take a while.”

Hindi pa raw niya ito nadadalaw.

“Siguro pag okey na lahat. I’m just waiting for the right time. Ayoko nang mag-add pa ng pressure to anyone. Ayoko ring mag-add ng pressure to my mother-in-law.

“Kung I’m welcome there, ready na lahat, I’ll be there I’ll be more than happy to be there,” pahayag pa niya.

Kung anuman daw ang nangyari sa kanila noon ng mother-in-law niya ay kinalimutan na niya.

“I’m really hoping na she recovers from it. Kasi hindi maganda yung mangyari ang ganitong klase kahit kaninong tao, eh. Kung anuman yon, sa akin tapos na yon, sa akin wala na yon, eh.

“Pero yung makakita ako ng taong dumadaan sa ganu’ng proseso, medyo mabigat and nakikita ko, yung mga bata (apo ni Amalia) nahihirapan, eh. Sana talaga maka-recover siya nang maayos,” dasal pa ng aktor.